130916 首爾 - 慶州

大清早出發去搭長途巴士，落街就見到一班義工清理緊街道，好多都係老人家。

由首爾去慶州大約4個鐘車程，中途有休息站比大家落車抖下，去下洗手間或者買野食咁。

坐位夠晒大，仲有電視睇......不過唔知佢講乜hehee!!

上車前買個早餐，咁就唔使等到中途休息至有野食喇


開車兩個鐘之後到既休息站。

快到慶州囉，從未去過既地方。右邊張相係慶州巴士站，我住既地方就係隔離，十分方便。

 

我住既係左邊既MOTEL，見到紅綠公仔個間係情趣酒店，我都有懷疑我住個間係咪呢?

不過平平地租，又只係住一晚就唔理咁多喇，房間望出去都唔錯呀^^

間房係超大呀，用品又齊全......不過我都係用自己帶個的 :P     

    

因為只會停留一日，所以放底行程一陣就要離開間咁舒適既房間。

周邊都係三幾層既建築，見唔到大商場，見唔到人群，感覺好舒服。

好疏落既巴士班次，搭左15分鐘去"泰廸熊TESEUM慶州"。

慶州既巴士感覺係開得超快，同埋超dun

去到門口.......又唔係公休，點解唔開呀!!!!

激屎，後來去左慶州旅遊資詢處問，佢地都因為呢度冇人聽電話而問唔到原因。

唯有係出面影幾張相就離開 >_<

馬路中間既圍欄，覺得幾靚所以影底佢。

跟住就去左行巴士站周邊景點: 路西里、大陵苑...

瞻星臺

"雁鴨池"既售票處，日、夜既景色都好靚，值得一去。

只係用手機同普通傻瓜機影，影唔到細緻，但現場景色係超靚。

好彩仲有你....農會超市