130915 首爾動物園、廣藏市場

今日去.....首爾動物園

 

呢個動物園真係好大，今次我地行左比較想睇既部份先。

全程除左行，仲搭左大象巴士、紅線同藍線吊車。

地鐵站出口行到尾就係售票處。                                 好多當地人揸車黎。

沿途都有唔少攤檔，可以係入園前或者入園後買野食。

 

動物園既地圖

 

售票處入口

呢度只係售票處，買左票就去排隊搭大象巴士去動物園門口。

 

開車時間如果人多，係差不多一架接一架開，即使要排除都唔係排好耐。

韓國係老虎既民族，一入門口就見到佢

賣相雖然係嘛嘛地，不過呢的係出面同阿珠媽買既早餐，幾好味架。

紅色吊車係由動物園入口搭到園內，沿途可以從高處睇到各式動物，我地係吊車站另一邊開始行程。

雖然未到中午，但好多動物都懶洋洋咁瞓緊覺

快到站囉 ^^

全自動既吊車，遇上我地呢的第一次搭既遊客，工作人員係會幫忙拉你落車既

遊動物園其實係好矛盾，動物園係一個好既活動地方，但又覺得動物應該係大自然自由自在，所以影既都係風景為主，呢度既動物真係有好多種類，影左既只係少部份。

各式動物既大爪與小爪

河馬大哥又係掛住瞓，不過我地遠睇都感覺到佢既皮膚好厚實

樹懶的行動都幾快架，佢活動起黎一的都唔覺佢懶。

如果夠時間慢慢行，絕對可以玩足一日。

"動物慰靈碑"係紀念所有去左彩虹橋既動物朋友。

溪既遠處有人落水浸腳，不過就唔知係咪可以咁做既。

BB車停泊處，附設單車錬比你鎖車.......好貼心既設計。

有帶私家車咩，有不同款式既車仔出租......得左

我地係一早去行到下午兩點左右，有好多家庭係啱啱入園玩。

出口附近水賴同你開心講拜拜。

雖然唔係行晒全公園，不過已經好攰，所以就買飛搭吊車去售票處出口。

藍色吊車路線會經過一個大水庫，又係另一番景致。

 

 

 

 

 

之後去左廣藏市場行，可能天氣有的熱而冇乜食慾，我地食左係出面比較少食到既"綠豆煎餅"，睇落去好油膩，不過食落口係可以接受既。

 

臨時加插既購物景點，係東大門站內既店，我地買得好開心呀。