波波第三次覆診 (今日呢篇好長呀)

今天是波波第三次見Dr. Michael，第一次07年5月做了full test診斷出波波的小心臟有問題；07年8月第二次見Dr. Michael說進展不錯；由於事隔已九個月，今天覆診時我便問Dr. Michael是否需要再做full test?......遇到好的獸醫，任何事也會從動物的必需去設想。





以下係我同Dr. Michael今日既部份對話。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

Michael:  聽完心臟睇過血管的情況(是剃了在頸下的毛去看血管的跳動，不需要特別儀器)，期間波波的表現(umm.....唔讚得，唔讚得)。



        心臟既雜聲多左，雜聲我地會用1-6去做指標，第一次聽波波心臟係3.5，今日聽完我會比去到4.5，情況係差左，而血管泵血既情況係ok。



Phoebe:  咁要唔要再做full test?



Michael:  我既comment係唔需要做既，做左full test只係多左的相片同埋的數字咁，其實做左一次我地已經知道波波心臟既問題，我認為現時無需要多花錢去做，除非出現情況變差既病徵，如呼吸急速又或者發現她經常用口去呼吸咁。



        因為波波心臟既雜聲多左，除左食開既apo-piltiaz，我會幫佢試加多一隻藥fortekor 5，呢隻藥係幫助血管擴張既，咁個心就唔使用咁大力去泵血，但呢隻藥會有5%既機會令貓/狗既腎功能變差，咁我地今日同波波做個full blood test(測肝腎及其他身體機能既)，如果驗血結果ok就開始加新藥，過五日再返黎驗血(到時只需要驗肝腎機能)，冇副作用既就可以長期用藥。



Phoebe:  ok 咁波波驗血啦，驗血結果幾時會知?



Michael:  驗血我地即刻做既，你同波波係出面等一陣就得。



(跟住Dr. Michael就用佢好純熟既手勢同波波抽左血，波波的表現umm.....唔讚得，唔讚得。我地亦都係等左10分鐘左右就有驗血結果)



Michael:  Good news, 波波既驗血結果都係响normal既範圍，至少我地知道波波既身體機能令人滿意。咁新加既藥每日一次半粒就得，過五日再返黎驗血。(umm.....結果 唔讚得，唔讚得~~~呢句都係我話既)



        Long term黎講都係個句，心臟既問題我地唔可以治癒，可以做既係希望用藥去延緩變差既時間，期間如果一切正常波波可以6個月後再覆診，或者你唔希望隔咁長時間既，咁3個月之後黎覆診亦可以，當然如果你發現波波有不尋常的情況就要盡快帶她來。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

今日既blog好長，我自己都唔識得解釋，只係突然間想把記得既都記下來。個心好芧盾，既懊惱有些胡亂繁殖既breeder，但要不是這樣我又沒理由會遇上這個小可愛。



傻瓜吉每次波波返黎都唔認得佢，波波一出黎小吉就係咁fee佢





妹妹就冇fee波波，只係走左入去檢查下個出街袋啫





今年第一件買比波波既衫有四葉草架，希望幸運既四葉草一直保守住波波啦





唔覺唔覺，原來波波既衫全部都係粉紅色架，終於買左係綠色既.....點知~~唔啱着呀







後記：

今日睇完醫生我地去左搵波波奶媽呀(hehe...波波細細個時圓轆轆真係全靠佢架)，而波波既表現.....可以讚喇，可以讚喇，佢好乖乖呀



Dr. Michael是有名的心臟科獸醫，診所位於赤柱。大埔去赤柱真係唔知可以點去，又唔想波波舟車勞頓，所以都係打的來回~~~診金、藥費、車費加埋加埋真係幾金架。

不過唔緊要，媽媽仲afford得到；順帶多謝結左婚既親朋好友，你地既利是已經被納入三寶基金喇。







phoebe: 雖然呢個係我今年想買但仲未搵到邊度有得賣既野，但我會慳的使唔會衝動亂買野架喇。